Mga Patalastas at Paalaala Mayo 2021

Mga Patalastas at Paalaala

Mayo 2021

PARA SA KONGREGASYON

1. Mga Kaayusan sa Panonood ng Kombensiyon sa 2021: Nananabik na

tayong mapanood ang anim na sesyon ng programa ng 2021

“Pinapalakas ng  Pananampalataya!” na Kombensiyon. Isa-isang ilalabas ang

anim na sesyon sa JW Broadcasting sa Hulyo at Agosto. Marami ang

sabay-sabay na manonood ng mga sesyon. Pero dahil sa kalagayan ng

pamilya o iba pang dahilan, baka panoorin ng ilang mamamahayag ang mga

sesyon ng kombensiyon sa sarili nilang oras. Ang bawat ulo ng pamilya ang

magpapasiya rito.

2. Pioneer Service School sa 2021: Bilang eksepsiyon, inaprobahan ang

Pioneer Service School sa 2021 na idaos sa pamamagitan ng

videoconference. Ipapaalám sa mga payunir na kuwalipikadong dumalo ang

tungkol sa kaayusan sa hinaharap.

3. Mga Donation Acknowledgment: Pinasasalamatan namin ang pagsisikap

ng maraming mamamahayag na naging sanay na sa paggamit ng mga

electronic method sa pagdodonate para suportahan ang kapakanan ng

Kaharian, gaya ng paggamit ng donate.jw.org. May ginawang pagbabago para

pasimplehin ang pag-acknowledge ng lahat ng donasyong natatanggap ng

tanggapang pansangay. Kapag natanggap ang donasyon ninyo, mag-e-email

sa inyo ng resibo para i-acknowledge ang halaga ng donasyon. Pagkatapos,

may ipadadalang hiwalay na liham ng pasasalamat bawat buwan sa tuwing

makatatanggap ang tanggapang pansangay ng donasyon mula sa inyo. Lahat

ng email message mula sa tanggapang pansangay ay galing sa email address

na nagtatapos sa “@jw.org.” Kung nahihirapan kayong gamitin ang

donate.jw.org, inatasan ng mga elder si _______________________ para

tulungan kayo.

4. Kung magpapadala ng donasyon sa tanggapang pansangay gamit ang

ibang paraan bukod sa donate.jw.org, ilakip ang inyong email address sa

donasyon ninyo para makatanggap kayo ng resibo at liham ng pasasalamat.

Salamat sa patuloy ninyong pagsuporta sa pamamagitan ng inyong

bukas-palad na mga donasyon.

5. Mga Tanggapang Sangay at Nasa Pantanging Buong-Panahong

Paglilingkod: Kamakailan, tinagubilinan ng Lupong Tagapamahala ang lahat

ng tanggapang pansangay at nasa pantanging buong-panahong paglilingkod

na patuloy na mag-ingat. Nangangahulugan ito na mananatiling

naka-lockdown ang mga pasilidad ng Bethel at ang mga nasa pantanging

buong-panahong paglilingkod ay patuloy na mananatili sa isang lugar

hanggang Agosto 1, 2021. Kung ipinahihintulot ng lokal na kalagayan,

maaaring luwagan ang ilang restriksiyon bago ang Agosto 1, 2021.

Pinasasalamatan namin ang sakripisyo ng mga nasa pantanging

buong-panahong paglilingkod at pamilya nila. Patuloy na isama ang mga

matapat na ito sa panalangin ninyo.

6. Pambuong-Daigdig na Kampanya sa Nobyembre 2021: Ang tampok na serye para sa Ang Bantayan Blg. 2 2021 ay “Isang Mas Magandang Mundo—Malapit Na!” Bagaman magiging available na ito para magamit sa ministeryo, itatampok ito sa pambuong-daigdig na kampanya sa Nobyembre 2021 para ituon ang pansin ng mga tao sa pag-asang nasa Bibliya tungkol sa isang mas magandang mundo na malapit nang dumating. Pasisiglahin ang mga mamamahayag na makapagbasa ng isang tekstong bumabanggit sa pag-asang ito sa mas maraming tao hangga’t maaari at makapagbigay ng kopya ng magasin sa lahat ng interesado. Ang mga mamamahayag na mag-o-auxillary pioneer sa Nobyembre 2021 ay may opsiyon na piliin ang 30-oras o 50-oras na kahilingan.