Mga Pahibalo ug Pahinumdom Hunyo 2021

Mga Pahibalo ug Pahinumdom

Hunyo 2021

PARA SA KONGREGASYON

1. Kausaban sa mga Asaynment sa Estudyante: Ingong pahinumdom, ang Mabuhi Ka Hangtod sa Hangtod! nga brosyur maoy gamiton sa pagtuon sa Bibliya nga asaynment sa estudyante sugod sa Hunyo 2021. Kay ang materyal niini nga mga asaynment dili man makita sa Workbook sa Tigom nga Kinabuhi ug Ministeryo, palihog tan-awa ang listahan sa mga kausaban nga gitagana sa mga ansiyano kanimo.

2. Tinuig nga mga Materyal: Ang tinuig nga mga materyal alang sa 2020 ma-download na sugod sa Oktubre niining tuiga. Ang mga magmamantala nga gusto ug hard copy puwede nang moorder sa mosunod: bound volume sa 2021 nga Bantayanang Torre ug Pagmata!, Pagsusi sa Kasulatan sa Adlaw-Adlaw—2022, ug Watch Tower Publications Index 2021. Dugang pa, puwedeng magpadala ug order sa braille nga edisyon sa Pagsusi sa Kasulatan sa Adlaw-Adlaw.

3. Pag-alagad sa Bethel: Bisag nalimitahan ang gidaghanon sa giimbitar sa pag-alagad sa Bethel niining panahona tungod sa kahimtang sa COVID-19 nga pandemic, interesado gihapon mi nga mahibalo kon kinsa kadtong gustong moalagad dihang posible nang moimbitar ug dugang nga mga boluntaryo. Busa, ang bawtismadong Kristohanon nga nagedad ug 19 pataas nga nagtinguha nga moalagad sa Bethel o sa mga proyekto sa konstruksiyon, part-time man kini o sa bug-os panahon, angayng mosulti sa ilang sekretaryo sa kongregasyon aron makadawat ug dugang nga mga instruksiyon sa pagpadalag aplikasyon. Kon posible, mas maayo nga ang mga magmamantala nga dunay Internet mogamit sa online application nga feature. Dugang pa, ang mga aplikante angayng motan-aw sa mga video nga Kon Unsay Imong Mahimo Aron Makaalagad sa Bethel ug Magmatinud-anon sa Tanang Butang (Bethel/Construction Application) sa dili pa magpadalag aplikasyon ngadto sa ilang mga ansiyano.

4. Learn to Read Braille (Starter Kit): Malipay mi sa pagpahibalo kaninyo sa bag-ong publikasyon nga nag-ulohang Learn to Read Braille. Kini nga publikasyon mahimong gamiton aron tudloan ang buta o dili kaayo makakita sa pagbasag pinataas (o uncontracted) (grade 1) ug pinamubo (o contracted) (grade 2) nga mga format. Kini nga workbook dunay inimprentang mga letra sa ibabaw nga takdo sa matag braille nga karakter, diin ang magmamantalang makakita makahimo sa pagtabang sa buta aron makakat-on sa pagbasag braille. Sagad, dili na kinahanglang mokat-on ug braille ang magmamantala aron makasangyaw sa mga buta.

5. Bisag ang katuyoan niini nga workbook maoy para magamit niadtong buta o dili kaayo makakita nga Bible study, mahimo sab ning gamiton sa pagtabang sa mga membro sa kongregasyon nga buta aron makakat-on sa pagbasag braille. Mahimo nang magpadalag order para sa starter kit nga naglakip niining bag-ong publikasyon ug braille nga Pamati sa Diyos ug Mabuhi Ka sa Walay Kataposan, kay kini nga brosyur maoy gamiton para sa pagpraktis ug basa.

6. Pag-post ug Materyal sa mga Website ug Social Media: Samtang makapaambit ta ug impormasyon gikan sa mga website sa organisasyon pinaagi sa pagpadalag link ngadto sa mga indibiduwal, dili ta angayng mag-post diha sa Internet ug bisan unsang artwork, electronic nga mga publikasyon, mga trademark, musika, hulagway, video, o mga artikulo gikan sa atong mga website. Naglakip ni sa teokratikanhong mga programa sa jw.org o JW Stream, sama sa binulang mga broadcast, mga tigom sa kongregasyon, sirkitong mga asembliya, ug kombensiyon. Kon naka-post ka ug susamang materyal sa bisan unsang website o social media nga walay permiso, palihog tangtanga kini. Ang dugang impormasyon niini nga topiko makita sa Abril 2018 nga isyu sa Ang Bantayanang Torre, panid 30-31, ug sa jw.org ubos sa “Kondisyones sa Paggamit.”